Հարգելի ՍՎԵՏԱ, բարև Ձեզ: Փսորիազը ժառանգական նախատրամադրվածություն ունեցող ոչ ինֆեցիոն հիվանդություն է, այն վարակիչ հիվանդություն չէ և չի փոխանցվում ոչ սեռական, ոչ էլ մեկ այլ ճաբապարհով:

Հարգելի Elena, բարև Ձեզ: Գոյություն ունի պարբերական հիվանդության մի տարատեսակ, որը կլինիկական դրսևորումներ չի ունենում, սակայն այդ ձևի ժամանակ, համապատասխան դեղորայք չստանալու դեպքում առաջանում է երիկամների ամիլոիդոզ և երիկամային անբավարարություն: Ամենայն հավանականությամբ  Ձեզ մոտ նույնպես այդ տեսակն է: Հարկավոր է անպայման ստանալ նշված դեղորայքը բարդություններից խուսափելու համար:

Հարգելի Լուսինե, փսորիազը գենետիկ հիվանդություն չէ, խոսքը գնում է գենետիկ նախատրամադրվածության մասին, որը չունի սեռի հետ կապված դոմինանտության խնդիր:

Հարգելի Մարինե, մի անհանգստացեք պսորիազի դեպքում միշտ նմանօրինակ քսուքների կարիք կա: Որևէ վնասակարության և վտանգավորության մասին խոսք լինել չի կարող: 

Հարգելի Լիաննա, փսորիազը մաշկային քրոնիկ հիվանդություն է: Եվ որպես կանոն ունի մաշկի տարբեր հատվածներում տարածվելու հակում:  Ավելի ճիշտ  ու նպատակահարմար կլինի դիմեք մաշկաբանի նախևառաջ ախտորոշումը հաստատելու կամ էլ ժխտելու համար:

Հարգելի Anul, բարև Ձեզ, ամենայն հավանականությամբ Ձեզ մոտ սնկային հիվանդություն է, որի բուժումը մեծ դժվարություն չի ներկայացնում: Դիմեք մաշկաբանի խորհրդատվության, և համապատասխան հետազոտությունից հետո նա բուժում կնշանակի:

Հարգելի Գոհար, բարև Ձեզ, նախապես մտածել և կանխարգելել փսորիազ հիվանդությունը, որը չկա դեռ, տրամաբանական չէ։ Այն կարող է և ընդհանրապես չարտահայտվել։ Սովորաբար հղիության ընթացքում կնոջ օրգանիզմում գլոբալ հորմոնալ փոփոխություններ են կատարվում, որոնք առողջության տեսանկյունից սովորաբար ավելի շահեկան կարգավիճակ են ստեղծում։ Ավելի լավ է չմտածել դրա մասին, հատկապես, որ դա միայն կվնասի Ձեզ, հաշվի առնելով, այդ և ցանկացած դեպքի համար նյարդային համակարգի կարևոր դերը։ Մտածեք միայն լավ բաների մասին, վայելեք սպասվելիք հղիությունը, հավատացեք, դա կօգնի Ձեզ։